Presidenti Meta u detyrua të jape shpjegim për rastin e një futbollisti të huaj të Tiranë, afrikanit Winnful Essua Joseph Cobbina, të cilit i është dhënë shtetësi shqiptare brenda një dite, me procedurë të përshpejtuar, pa ndjekur më parë asnjë prej kritereve normale.
Për të, si për qindra sosh të dala nga një investigim i gazetarit Adriatik Doçi në Shqiptarja.com, është përdorur kriteri i “interest kombëtar”, e Meta pretendon se dhe te futbollisi në fjalë kështu ka gjykuar.
“Të përfaqësosh një ekipi kampion është në interes kombëtar dhe publik. Kjo është sqaruar shumë qartë për këtë kërkesë urgjente para ndeshjes me Zvicrën. Presidenti ka respektuar ligjin në mënyrën më strikte”, tha Meta në një konferencë për shtyp.
Por nga investigimi, Cobbina ka rezultuar dhe me problem penale, pasi akuzohet për fallsifikim dokumentash. Për këtë, arsyetimi i kreut të shtetit ishte si organet përkatëse ai rezulton i pastër sa i përket cenueshmërisë së sigurisë kombëtare.
“Këtu tek kjo dosje është edhe dokumenti i institucionit përkatës që konfirmon që nuk disponohet asnjë e dhënë që cenohet siguria kombëtare, sipas ligjit për futbollistin në fjalë”, tha Meta, duke tundur një dosje, të cilët nuk pranoi që ta hapë e të tregojë ndonjë dokument. 
Dokumentet nuk mund t’i jape, por gjithçka është në respekt me ligjin dhe kushtetutën”, tha Meta.
Ndërkohë, mediat kapën detajin që dosja në fjalë nuk kishte nr.protokolli.
Kujtojmë se rasti në fjalë, ky i Cobbinas-s, nxorri në pah faktin se Meta ka dhënë një numër vështirë të justifikueshëm shtetësisht shqiptare brenda një kohe të shkurtër, të gjitha me procedurë të përshpejtuar. Mes atyre që e kanë marrë nënshtetësinë, kanë rezultuar dhe disa persona me precedentë penalë të mëparshëm.
Për gazetarin Adriatik Doçi, i cili është marrë me investigimin e tyre, aludohet për një aferë ku mund të jenë paguar mijëra euro nga ata që kanë bërë kërkesë, e që në fund e kanë marrë nënshtetetësinë, duke zgjedhur rrugën nga Presidenca e jo atë nga Ministria e Brendshme. /tesheshi.com/
