Futbollisti holandez Donny van Iperen, i cili mban fanellën e Moldavisë FC Zimbru Chisinau, ka pësuar një dëmtim të tmerrshëm gjatë ndeshjes së kampionatit atje, i cili e ka lënë në koma.
Në minutën e 11-të, ai është përplasur me portierin kundërshtar dhe më pas ka rënë në tokë pa ndjenja.
Stafi mjekësor vrapoi me shpejtësi për të ndihmuar dhe shpejt zbuloi se lojtari ishte në një gjendje shumë të rëndë, gjë që tronditi të gjithë lojtarët e tjerë në fushë, por edhe publikun.
Menjëherë ai u dërgua në spital me ambulancë. Aktualisht ai është ende në koma dhe mjekët po luftojnë për jetën e tij.
“Në këto momente të vështira, të gjitha mendimet e ndenjat tona janë me Donny van Iperen. Lojtari holandez është transferuar në një spital në Kishinau dhe po merr kujdes mjekësor. Donny, ji i fortë, ne të gjithë lutemi për ty,” tha klubi i tij. /tesheshi.com/
