Komisioni Shtetëror Zgjedhor në Maqedoni, pothujse është shkrirë tërësisht nga dorëheqjet e 8 anëtarëve, veç njërës, Ermira Asanit të Besës. E gjitha kjo ndodhi pasi ambasadori amerikan në Shkup, Xhejs Bejli, denoncoi faktin se prej njerëzve që drejton proceset zgjedhore në vend, janë marrë para bonus, pra vetëshpërblime të pamerituara.
Edhe pse ata e përligjën ligjërisht aktin e marrjes së bonus, presioni i opinionit i ka çuar drejt doreheqjes, ku madje dhe do kthejnë në buxhetin e shtetit ato para që kanë marrë. Por Ermira Asani e Besës, nuk e ka parë të udhës të vetëlargohet, duke mos u ndjerë fajtore për atë që ka ndodhur.
“Në rastin konkret unë nuk ndjej asnjë fije përgjegjësie morale për të marrë përsipër turpin për keqpërdorimin eventual që mund të ketë ndodhur në KSHZ në lidhje me këtë aferën e bonuseve për arsye se në sjelljen e vendimit, unë nuk kam qenë prezent dhe nuk kam ngritur dorën për ta votuar”, u shpreh znj. Asani. /tesheshi.com/
