Prestigjozja amerikane The New York Times botoi një artikull të bujshëm, mbi një skandal prej 10 milion dollarëve, i cili mbërrinte fare pranë zyrës së Sepp Blatter.
Autoritetet e FBI insistojnë në qëndrimin e tyre se sekretari i Përgjithshëm i FIFA, francezi, Jerome Valcke, ka transferuar 10 milionë USD nga disa llogari bankare të FIFA tek ajo e Jack Warner, ish-zvpresidenti i FIFA i akuzuar se ka marrë ryshfet për të organizuar Botërorin e vitit 2010 në Afrikën e Jugut. Përfshirja e Valckes ka rritur dyshimet rreth Blatter.
Kjo sepse çdo transaksion në FIFA bëhet me kundërfirmë nga Sekretari i Përgjithshëm. Sipas rregullores, nëse vendimin e ka marrë Presidenti, urdhërin e lëshimit të parave duhet ta kundërfirmosë Sekretari i Përgjithshëm por jo anasjelltas.
Në fakt Blatter nuk është i hetuar formalisht nga ana e FBI. Valcke në fakt nuk është jashtë dyshimeve. Vendimi më i diskutuar i tij së fundmi është përcaktimi i Katarit për Botërorin e vitit 2022.
Në majin e vitit 2011 Warner publikoi një email të Valcke, i cili theksonte se Katari ka blerë Kupën e Botës.
Ndërkaq, drejtuesit e UEFA, në shumicën e tyre kundër rizgjedhjes së Blatter do të takohen të shtunën gjatë finales së Chanpions League në Berlin për të vendosur se cilat do të jenë marrëdhëniet e organizatës me FIFA-n.
Pas FIFA-s ka shpërthyer skandali edhe në futbollin Brazilian. Prokuroria ka nisur një hetim ndaj Ricardo Teixeira, ish presidenti i Federatës braziliane të Futbollit për mashtrim dhe qarkullim parash të pista. Aluzat i përkasin fundit të mandatit të Texeira ndërmjet viteve 2009-2012.
Pasi FIFA ka mbrojtur drejtuesit e saj me anë të një serie komunikatash, ka qenë rivali i tij princi jordanez, Ali bin al-Hussein, i cili në CNN deklaroi: Do të dorëhiqesha menjëherë nga posti pasi është presidenti i sportit më popullor në botë.
