Mbetjet e më shumë se 150 personave, duke përfshirë gra dhe fëmijë, janë zhvarrosur nga varret masive të zbuluara rishtazi në qytetin verior-perëndimor të Tarhuna, dhe zhvarrosja është ende në vazhdim.
Javën e kaluar, ushtria e qeverisë së Unitetit Kombëtar Libian të njohur ndërkombëtarisht çliroi qytetin Tarhuna, që ishte kështjella e fundit e forcave militante të paligjshme të drejtuara nga Khalifa Haftar në perëndim të këtij vendi.
Menjëherë pas çlirimit, ushtria libiane zbuloi disa varre masive në atë qytet.
Sipas Kombeve të Bashkuara, të paktën tetë varre masive janë zbuluar në Libi, dhe shumica e tyre gjenden në Tarhuna.
Ministri i Brendshëm libian, Fathi Bashagha tha më herët se militantët e Haftarit u kishin vënë zjarrin disa prej të burgosurve dhe se dhjetëra prej tyre ishin varrosur të gjallë në varreza masive.
Ushtria libiane tha se kishte dokumentuar krime të shumta kundër njerëzimit të kryera nga militantët e Haftarit.
Misioni i Kombeve të Bashkuara në Libi (UNSMIL) ka bërë thirrje për një hetim mbi varret masive dhe krimet në Tarhuna.
“Ne kemi marrë raporte të frikshme për varret masive. “E drejta ndërkombëtare kërkon që autoritetet të kryejnë një hetim të shpejtë, efikas dhe transparent mbi vuajtjet e paligjshme të njerëzve,” tha UNSMIL në një deklaratë.
Ushtria libiane ka bërë përparime të mëdha ditëve të fundit në luftën kundër forcave militante të Haftarit, të cilat këtë mëngjes kanë mbetur pa korridorin kryesor 350 kilometra, i cili lidhte militantët e Haftarit me perëndimin dhe jugun e vendit.
Militantët e Haftarit humbën kontrollin e disa qyteteve që ata mbajtën nën okupim në Libi gjatë javës së kaluar, përfshirë gjithë krahinën e Tripolit dhe Tarhunan, si dhe bazën ajrore Al-Watiya. Ushtria libiane ka vendosur gjithashtu kontroll në kampet ushtarake të El-Tekbali, Hamza dhe Yermuk.
Të shtunën, ushtria libiane filloi një operacion çlirimi në lindje dhe në brendësi, dhe gjithashtu çliroi qytetin Wadi Wishka, afër Sirte. /tesheshi.com/
