Një sulm i forcave të regjimit në Siri i kryer në Guta-n lindore, pjesë e Damaskut, ka lëne të vrarë katër civilë, mes tyre dhe drejtorin e Mbrojtjes Civile – Helmetat e Bardha.
Ai është Mahmud Kaddo Abu Hamid. Një zëdhënës i kësaj organizate tha se njerëzit në këtë zonë e donin Abu Hamidin.
Ai gjithashtu vuri në dukje se anëtarët e regjimit nuk i ndalën sulmet ndaj Guta-s lindore, pavarësisht armëpushimit. Guta lindore, ku jetojnë 400 mijë banorë, ndodhet nën rrethim të regjimit për më shumë se pesë vjet.
Deri më sot, Helmetat e Bardha kanë shpëtuar dhjetëra mijëra njerëz nën zjarrin e luftës. Kjo organizatë përbëhet nga 3 mijë vullnetarë në mesin e të cilëve ka edhe gra.
Organizata humanitare, përveç operacioneve të shpëtimit, gjithashtu siguron mbështetje për të mbijetuarit e sulmit. Në sulmin ndaj Idlibit më 12 gusht, u vranë shtatë anëtarë të Helmetave të Bardha. /tesheshi.com/
