Lista Serbe nuk do të kthehet në institucione të vendit, përderisa Kështu ka bërë të ditur shefi i grupit parlamentar të Listës Serbe, Sllavko Simiq.
Lista Serbe e drejtuar nga Sllavko Simiq ka një mesazh të qartë për dy partitë në pushtet PDK-LDK-në. Thotë se nuk kthehet në institucione derisa përfaqësuesit e tyre vazhdojnë të injorohen nga partneri i koalicionit.
“Para se gjithash nuk është problem që Lista Serbe të kthehet në Kuvendin e Kosovës, në komisione parlamentare e po ashtu edhe në Qeveri. Problemi kryesor është – nëse kthimi ka kuptim! A ka kuptim kur ligjet dhe proceset bëhen pa konsultimin e Listës Serbe, të komunitetit serb, dhe të përfaqësuesve politikë serbë”, është shprehur Simiq në një intervistë për Radio Kosovën.
Megjithatë, ai shprehet i gatshëm të bashkëpunojë me partnerët e koalicionit qeverisës.
“Pra, presim që partnerët tonë të koalicionit të reflektojnë, të kenë mirëkuptim ndaj neve dhe të bisedojmë në mënyrë konstruktive, t’i dëgjojnë idetë tona në mënyrë që të miratojmë ligje dhe të ratifikojmë çdo marrëveshje dhe unë me këtë rast dua t’ju bëjë me dije se që nga momenti i konstituimit të Parlamentit të Kosovës, 95 % e ligjeve që janë miratuar, janë miratuar edhe me pjesëmarrjen e deputetëve tonë”, shprehet Simiq.
Ai thotë se Lista Serbe është unike në qëndrimet dhe vendimet e saja.
“Unë nuk jam pjesë e Qeverisë, megjithatë ju garantoj se, përfaqësuesit politikë serbë në qeveri dhe deputetet e Listës Serbe janë njëzëri në qëndrime kur është në pyetje për të tejkaluar çdo problem që ndodh”, tha Simiq, i cili thotë se dëshiron që përmes dialogut të gjendet zgjidhja e cila do t’i kthejë në institucione. /tesheshi.com/
