Qeveria australiane ka paguar disa skafistë për të ridërguar në Indonezi një anije me disa refugjatë. Lajmi është publikuar nga BBC, sipas së cilës shteti oqeanik po merr masa të reja për të luftuar emigracionin klandestin.
Të njëjtat burime konfirmojnë se kryeministri Tony Abbot nuk e ka përgënjeshtruar lajmin. “Jemi gati të ndërmarrim disa masa të reja dhe mënyra alternative kundër emigracionit të paligjshëm”,- ka deklaruar shefi i qeverisë.
Lajmi ka qarkulluar javët e kaluara, e mbështetur edhe nga disa dëshmitarë. Mbi të gjitha dallohet ajo e James Lynch, zëdhënësit të agjencisë për refugjatët në Kombet e Bashkuara.
“Anija është shpëtuar nga marina indoneziane më 31 maj. Kemi intervistuar 65 pasagjerë në bord, të cilët kanë thënë se ekuipazhi ka marrë para për ti transportuar”,- ka deklaruar Lynch.
Ministri i punëve të Jashtme i Xhakartës është deklaruar shumë i shqetësuar për këtë iniciativë të paprecedentë të Australisë. Refugjatët, të cilët vijnë nga shtete të ndryshme të Azisë (Tailanda, Mianmar dhe vetë Indonezia), pasi kanë ardhur Australi, kanë ndenjur aty rreth 4 ditë dhe më pas janë nisur me anije drejt Indonezisë.
Paratë e dhëna gna Canberra mendohet se kanë qenë rreth 5 mijë dollarë australianë (3 mijë e 500 euro) për çdo trafikant.
Babot nuk konfirmon asnjë gjë në lidhje me këtë ngjarje, por siç ka pranuar edhe vetë presidenti i Australisë, ky shtet është duke kërkuar mjete të reja alternative për të ndaluar fluksin e emigrantëve të paligjshëm.
“Po zhvillojmë strategji të reja për të bllokuar barrierat me emigrantët. Kemi frenuar këtë lëvizje refugjatësh do të mundohemi ta mbajmë nën kontroll për një kohë të gjatë”,- ka thënë Kryeministri. /tesheshi.com/
