Ju ka rënë aparati juaj celular inteligjent në ujë dhe nuk dini se çfarë të bëni për ta shpëtuar atë nga prishja totale dhe dalja jashtë përdorimit? Përgjigja e duhur dhe ‘ilaçi’ në këtë rast mund të qëndrojë tek një element ushqimor shumë i dobishëm, siç është edhe orizi.
Mirëpo, siç raporton Metro, bazuar në një studim shkencor, nëse e fusni smartfonin në oriz, pasi ai ka rënë në ujë, nuk është se do të keni një rezultat të dëshirueshëm apo se do të ndodhë shpëtimi i aparatit tuaj nga mosfunksionimi. Mënyra e vërtetë për ta shpëtuar është një tjetër.
Pas zhytjes në ujë, smartfoni duhet të futet në një qese të mbyllur plastike me alkool të pastër.
Në oriz telefoni humbet lagështinë, e cila thithet nga amidoni, por kjo nuk do të thotë se aparati celular do të funksionojë në mënyrë të rregullt më pas. Me alkool të pastër, uji dhe depozitimet minerale do të dalin jashtë duke evituar dëmtimin e smartfonit. Duhet të bëni kujdes dhe të mos e afroni celularin tuaj pranë zjarrit, pasi ai do të marrë flakë menjëherë, i ndikuar edhe nga alkooli. /tesheshi.com/
