Nuk ka asnjë gjë më të keqe dhe të paduruar në shtëpi se sa aroma e keqe e lavamanit. Disa njerëz, për pastrimin e tij do të rendnin drejt kimikateve të shumta dhe produkteve që shiten në treg, edhe pse shumë prej tyre harrojnë se përdorimi i këtyre produkteve ndikon në ndotjen e ujërave të nëndheshëm.
Me këtë marifet të vogël ju mund të vrisni dy zogj me një gur, pasi mbroni natyrën dhe për të shpëtuar nga aroma e keqe e shtëpisë.
Për të bërë këtë keni nevojë për:
½ e një filxhani me lëng limoni
½ filxhan me sodë buke
Nxehni pak limonin dhe hidhni në të sodën. Bëjeni këtë në mënyrë të ngadaltë, pasi kur të hidhni sodën do të realizohet një lloj reaksioni për shkak të bashkëveprimit mes sodës dhe lëngut të limonit.
Pasi ta përzieni mirë, hidheni në lavaman dhe lëreni të veprojë për 10 minuta. Më pas shpërlajeni me ujë të ngrohtë. Në këtë mënyrë do të keni mundësinë të pastroni lavamanin, të shpëtoni nga aromat e këqija dhe mbeturinat./tesheshi.com/
