Salepi është një bimë barishtore shumëvjeçare me gjethe të gjata, të mbështjella rreth kërcellit, me lule të mbledhura si kalli dhe me zhardhok të nëndheshëm, që përdoret për të përgatitur një pije dhe në mjekësi.
Kjo bimë gjendet thuajse në të gjithë Shqipërinë që nga zonat e ulëta deri në lartësitë e maleve. Si rezultat i grumbullimit të zhardhokëve të saj ajo ka filluar të rrallohet. Për këtë arsye kërkohet mbrojtja e saj dhe ndalimi i grumbullimit në zonat e pakësuara. Nga bluarja e zhardhokëve të kësaj bime mund të përgatitet një pije e ngrohtë si lëng i trashë, duke e zier me ujë, sheqer dhe pak kanellë.
Rrënjët e kësaj bime, të bëra pluhur dhe të holluar me ujë, përdoren si ilaç natyral. Njerëzit e përdorin salepin për problemet me aparatin tretës, si fryrjen e barkut, kapsllëk, gazra, urthin në stomak. Salepi përdoret edhe për diarrenë, sidomos tek fëmijët shkruan Shendeti.
Si funksionon?
Salepi përmban një substancë të ngjashme me mukusin që ndihmon në qetësimin e traktit digjestiv.
Përdorimet
- Diarre
- Urth në stomak
- Fryrje të barkut
- Dispepsi
- kollë
- dhimbje fyti, ftohje
Si mund të përgatisni një salep të ngrohtë?
Përbërësit
- 1 lugë gjelle me pluhur salepi
- 2 gota qumësht
- sheqer
- kanellë
Hidhini përbërësit në një enë dhe përzieni derisa të tretet mirë. Lëreni të ziejë temperaturë të ulët për rreth 10 minuta, deri sa e gjithë masa të trashet. Në fund shtoni sheqerin sipas dëshirës suaj dhe pak kanellë./tesheshi.com/
