Kjo është tendenca e fundit që po “çmend” universin e gastronomisë: ushqimet me ngjyrë të zezë gjithnjë e më të pranishëm në menytë e të gjitha kategorive.
Ka thuajse një vit që tashmë, ushqimi me ngjyrë të zezë, simbol i elegancës, u bë protagoniste edhe në vaktet ushqimore.
Ajo që bëri të “shpërthente kjo lloj mode”, ishte sigurisht ngjyra e zezë e sepies, e cila ngjyroste fillimisht makaronat sipas traditës veneciane. Një tjetër “mbret i zi” i kuzhinës është orizi i zi që derivonte nga Azia.
Kohët e fundit është shtuar shumë në menu ushqimi në ngjyrë të zezë falë elementit që i bën të tilla: karboni vegjetal.
Një substancë natyrale që ndihmon në thithjen e gazrave të stomakut, përdoret në brumin e makaronave dhe picat për të ofruar variantin e saj të kromuar që tërheq si ata që duan ushqimin e shpejtë, ashtu edhe ata që preferojnë pjatat me 5 yje. Karboni vegjetal është futur edhe në përpunimin e djathërave, i cili u jep një ngjyrë të zezë shumë interesante, pa i ndryshuar shijen.
E zeza u vjen në ndihmë edhe atyre që nuk duan të heqin dorë nga aromat e forta, si: hudhra e zezë. Ajo krijohet nga fermentimi për 30ditë në temperatura të kontrolluara dhe bën që të ketë shije më të ëmbël.
Si përfundim, e zeza nuk kurseu as tavolinën, duke “veshur me fustan mbrëmje” edhe ushqimet, sepse siç dihet, e zeza shkon me gjithçka./tesheshi.com/
