Një anije ruse me tonelata grurë si ndihmë humanitare për Korenë e Veriut, zbarkuar në Chongqing Harbour, tha një ambasada ruse në Pyongyang.
“Gjatë fundjavës, stafi i Konsullatës së Përgjithshme të Rusisë në Chongqing vizitoi qytetin port në të cilin u mbajt ceremonia e ndihmës humanitare. Konsulli i Përgjithshëm Yuri Bockarev bëri një inspektim të ngarkesës, 2.092 ton grurë, pas së cilës ai u ngjit në anije dhe bisedoi me ekuipazhin”, njoftoi Ambasada.
Ditë më parë, Koreja e Veriut u kërkoi SHBA zbutjen e sanksioneve, duke e thënë haptazi se po vuan nga rënia e prodhimit ushqimor si pasojë e thatësirave.
Ndihma ruse ndaj vendit komunist që shihet si “delja e zezë” e Lindjes së Largët, të kujtoj ndihmën ruse po me grurë ndaj Shqipërisë në vitet ’60, me parrullën “ju mbillni agrume, se drithin jua sjellim ne”. Prej kësaj vërtet ndodhi mbjellja e shumë pemëve frutore me agrume në jug, por që pas prishjes me BRSS-në, nisi epoka e “sigurimit të bukës në vend”. /tesheshi.com/
