Parasëgjithash, duhet marrë leje nga mjeku për të udhëtuar gjatë shtatzanisë. Madje shumë kompani dhe linja ajrore kërkojnë dhe lejen e shkruar nga doktori. Në përgjithësi nuk këshillohet udhëtimi gjatë tremujorshit të parë sepse mund të ketë rrezik dështimi, si dhe gjatë muajit të fundit sepse mund të ketë komplikacione apo lindje të parakohshme.
Nëse një grua shtatzënë vendos të udhëtojë gjatë tremujorit të dytë me leje të mjekut, atëherë duhet të ketë parasysh këto këshilla:
- Nëse udhëton jashtë vendit duhet të bëjë një siguracion shëndetësor për çdo të papritur.
- Duhet të kontrollojë nëse në vendin ku do të udhëtojë nevojiten vaksina të veçanta për atë vend, pasiqë imuniteti i shtatzënave është më i dobët.
- Të kontrollojë rregullat përkatëse të linjës ajrore më të cilën do të fluturojë.
- Gjatë udhëtimit duhen konsumuar sa më shumë lëngje, kuptohet duke evituar pijet me përmbajtje kafeine dhe alkooli.
- Mirë është që të bëhen lëvizje të shpeshta për të evituar krijimin e variçeve apo ndonjë ngërçi
- Veshja duhet të jetë sa më e gjërë dhe e rehatshme.
- Të sigurohet një vend në korridor apo në ulëset e daljes së emergjencës në mënyrë që të lëvizë sa më lehtësisht për të shkuar në tualet.
- Rripi i sigurimit duhet lidhur poshtë barkut. /tesheshi.com/
