Zv.kryeministrja e njëherësh ministre e energjitikës dhe infrastrukturës, Belinda Balluku, tha se institucionet duhet të kursejnë 15% të energjisë së konsumuar në krahasim me një vit më parë.
“Në mbledhjen e Këshillit të Ministrave bëmë disa ndryshme për marrjen e masave të veçanta për gjendjen e emergjencave për furnizimin me energjinë elektrike.
Përmes këtij akti normativ kemi një kërkesë për të gjitha institucionet shtetërore që duhen të kursejnë 15% të energjisë së konsumuar me faturën e një viti më parë.
Kjo energji e konsumuar është ekuivalente me 1% të energjisë së konsumuar në total gjatë një muaji, ose një shumë parash me 3.4 mld lekë”, u shpreh ministrja.
Balluku sqaroi më tej se në çdo institucion do të ketë një administrator energjetik që ka për qëllim uljen me 15% të konsumit në institucionin që ai drejton.
“Do të fusim në fuqi emërimin e një administratori energjetik, do të emërohet nga titullari i institucionit. Administratori energjitik do të ketë si target uljen e konsumit me 15% të institucionit që ai drejton”, theksoi nr. 2 i qeverisë.
E pyetur në lidhje me faktin e botimit në fletoren zyrtare të vendimit të ERE për rritjen e çmimit të energjisë me 42 lekë për ata që konsumojnë mbi 800 kËh, ajo u shpreh se është e drejta e qeverisë nëse e aplikon apo jo, duke theksuar se vazhdon t’i qëndrojë vendimit për të mos rritur çmimin e energjisë për muajin tetor.
“Fasha 800 kWh, kur shprehet ERE, shprehet për miratimin e çmimit, çdo kWh mbi 800 do kushtojë 42 lekë. Kjo është detyra e ERE. Ia bëmë kërkesën në muajin shtator dhe pasi e shqyrton vendosi ta miratojë, këtu mbaron fusha e përgjegjësisë së ERE. Qeveria shqiptare ka të drejtën nëse e aplikon apo jo fashën.
Jemi të lumtur që ia kemi dalë për shkak të konsumit më të ulët që nuk e aplikojmë gjatë muajit tetor. ERE ka marrë vendim mbi çmimin, qeveria ka marrë vendim në shtator dhe vazhdon ta mbajë atë vendim për të mbrojtur konsumatorët”, deklaroi Balluku. /tesheshi.com/
