Shtëpia e Bardhë: ende e pasigurtë për miratimin në Kongres të marrëveshjes me Iranin

Pavarësisht viteve të gjata të negociatave, ligjvënësit e Kongresit mund ta “vrasin” marrëveshjen midis Perëndimit dhe Irakut, të nënshkruar në korrik, njofton Shtëpia e Bardhë e cila  përpiqet të mbledhë mbështetje për miratimin e paktit.

“Kongresi ka mundësinë ta vrasë këtë marrëveshje”, tha zëdhënësi I Shtëpisë së Bardhë, Josh Earnest, duke shtuar se ligjvënësit mund të jenë të suksesshëm për ta minuar marrëveshjen me refuzimin e mundshëm të proporzimit të presidentit Obama për heqjen e sanksioneve ndaj Iranit.

Irani ka rënë dakord për inspektime të një shkalle të paprecedent për programin e vet bërthamor në këmbim të sanksioneve që kanë dëmtuar rëndë ekonominë e vendit.

Kongresi pritet të mblidhet në fillim të muajit të ardhshëm përpara se të votojë më 17 Shtator për marërveshjen.

Sipas Earnest janë 26 ose 27 senatorë që kanë deklaruar mbështetjen për marrëveshjen dhe vetëm dy demokratë janë shprehur kundër saj.

Mbështetja e demokratëve është thelbësore në Senat ku administrata Obama kërkon të sigurohet se nuk do të hidhet poshtë vetoja e tij pro marrëveshjes. Do të duheshin dy të tretat e senatit për një gjë të tillë, që do të thotë mbështetja e domosdoshme e 10 senatorëve demokratë. Republikanët mbajnë 54 vende nga 100 në Senat. /tesheshi.com/