Auto Dak
Auto Dak
Auto Dak

Shqipëria dhe Maqedonia, marrëveshje për njohjen e kontributeve të pensioneve

Ministri i Mirëqenies Sociale dhe Rinisë, Erion Veliaj, firmosën në Maqedoni një marrëveshje për njohjen e kontributeve të pensionit mes dy vendeve.

Kjo marrëveshje bazohet në parimin e trajtimit të barabartë të punëtorëve në punësim, trajtimin me përfitime dhe të ardhura. Ajo garanton personat që lëvizin nga një vend në tjetrin dhe personat në varësi të tyre e të mbijetuarit, të ruajnë të drejtat e fituara apo që janë duke i fituar.

Por ajo që ka më shumë rëndësi dhe që prek një kategori të madhe qytetarësh nga të dyja vendet është mundësia që krijon për bashkimin e periudhave të siguruara sipas legjislacioneve kombëtare të cilat tashmë do merren në konsideratë, për të siguruar të drejtën e përfitimeve dhe llogaritjen e tyre për pension pleqërie, të invaliditetit dhe familjare për personat e punësuar, të vetëpunësuar, si dhe për punëdhënësit, si dhe të drejtën për të eksportuar përfitimet, atje ku jeton.

Marrëveshja është firmosur nga z. Veliaj dhe nga Ministri i Punës dhe Politikave Sociale të Maqedonisë, z. Dime Spasov dhe është e treta e nënshkruar me vendet e Ballkanit, pasi më parë një gjë e tillë është bërë me Rumaninë dhe Kosovën./tesheshi.com/

auto pjese dak

Related posts