Të gjithë e njohim sikletin e erës së pakëndshme të gojës, por pak e dinë nga shkaktohet ajo. Nëse mendoni se vetëm ushqime të caktuara si hudhra apo qepa i japin frymës sonë një aromë karakteristike jo të freskët, gaboheni.
Janë grimcat e ushqimit të mbetur nëpër dhëmbët, bakteret e gojës dhe gjuhës, medikamentet e ndryshme, duhani e shumë faktorë të tjerë, ato që ndikojnë drejtpërdrejtë në erën e gojës.
Higjiena orale është shumë e rëndësishme, por ne do të ndajmë me ju sot sekretin si të luftoni erën e pakëndshme më një produkt të vetëm që është uthulla e mollës.
Uthulla e mollës ka një përqendrim të lartë të acidit malik dhe acetik dhe pikërisht këto të fundit mundësojnë krijimin e një mjedisi aspak të përshtatshëm për bakteret.
Uthulla e mollës përmban një përzierje të pasur të mineraleve duke përfshirë kalcium, kalium, natrium, magnez, bakër, squfur të cilat të gjitha ndikojnë pozitivisht në shëndetin e përgjithshëm të gojës.
Së treti, uthulla e mollës mund të ndihmojë në përmirësimin e tretjes, një nga shkaqet e mundshme të frymës së pakëndshme.
Përzieni 2 lugë uthull molle me 1 filxhan ujë dhe pijeni pas ngrënies.
Kjo ndihmon në tretjen e ushqimit dhe vret bakteret në gojë.
Gjithashtu mund të bëni gargarë çdo mbrëmje me 1 lugë çaji uthull molle dhe1 filxhan me ujë të ngrohtë./tesheshi.com/
