Ka arritur të shpëtojë të atin, i cili është i sëmurë nga zemra, në mes të natës, ndërsa shiu binte litar, duke i dhënë biçikletës, deri sa një automjet arriti ta shikojë dhe të lajmërojë urgjencën. Protagonisti i kësaj historie është një fëmijë 5 veç, Kevin-Djéné, i cili jeton në Mayenne, në perëndim të Francës.
Tani ai është një hero i vogël. “Ishte i veshur me pizhama, me një palë atlete dhe dridhej nga të ftohtët”,- ka treguar për AFP-në shoferi që ndihmoi djalin e vogël.
Fëmija kishte parë të atin që kishte rënë në tokë pa ndjenja. Nuk ishte menduar dy herë dhe kishte marrë biçikletën ër të gjetur të ëmën, e cila punon gjatë natës disa kilometra larg shtëpisë, duke e lënë motrën e vogël 2 vjeçare pranë të atit, në gjendje të rëndë shëndetësore.
Pas rreth tre kilometrash të përshkuar me biçikletë, Pinot e gjeti. “Më tha se i ati i vdiq. E futa në të ngrohtë në brendësi të makinës time ndërsa një shofer tjetër thirri urgjencën”,- rrëfen burri.
Pak më vonë në shtëpinë e tyre mbërriti ambulanca, e cila çoi burrin në spital. Babai i të voglit Kevin-Djéné arriti të shpëtojë dhe të marrë veten, ndërsa djaloshi fitoi respektin dhe preku zemrat e shumë personave në të gjithë botën, përmes gjestit të tij./tesheshi.com/
