Pavel Sheremet, një gazetar i njohur bjellorus, ka humbur jetën sot në kryeqytetin e Ukrainës pasi makina e tij shpërtheu në ecje e sipër.
Ngjarja ndodhi mëngjesin e ditës së sotme, ka njoftuar portali informativ Ukrainska Pravda, për të cilin dhe punonte i ndjeri.
Makinës i ishte vënë një sasi lënde shpërthyese nën të, për të shpërthyer në pjesën qendrore të Kievit. Vetëm 44 vjeç, Sheremet ka punuar prej vitesh jashtë Bjellorusisë. Përpara se të zhvendosej në Kiev pesë vite të shkuara, ai ka punuar në televizionet ruse.
Gazetari bjellorus drejtonte një program mëngjesi në radion Vesti, dhe shpërthimi ngjau ndërsa ai po shkonte pikërisht në punë.
Presidenti ukrainas ka kërkuar një hetim të shpejtë të ngjarjes, duke e ngushëlluar në të njëjtën kohë familjen e gazetarit.
Sheremet ka qenë i njohur për qëndrimin kritik ndaj udhëheqjes bjelloruse. Gjithashtu e ka akuzuar hapur Rusinë për aneksimin e Krimesë dhe për mbështetjen e separatistëve në lindje të Ukrainës.
Ai do të merrte një çmim për gazetarinë në vitin 2002 nga OSBE-ja për raportimet mbi shkeljen e të drejtave njerëzore në Bjellorusi. /tesheshi.com/
