Gjykata e Apelit të Krimeve të Rënda ka marrë një vendim që pritet të ndikojë fuqishëm dhe të hapë debat të madh në opinionin publik.
Në një seancë të sotme është shpallur e pafajshme e ashtwquajtura “Hakmarrja për Drejtësi”, e cila prej 21 vjetësh akuzohet për vrasje, rrëmbime dhe grabitje.
Sipas Apelit, provat janë marrë nga policia në mënyrë të paligjshme.
Anëtarët e grupit, Kreshnik Spahiu, Orik Shyti, Laert Shyti, Altin Arapi, Gent Caka, Nikolin e Pasho Nevruzaj, Gëzim Gjoni, Roland Shyti dhe Dritan Hata, akuzoheshin për pengmarrje dhe shkatërrim prone.
Krerët kryesore të “Hakmarrjes”, vëllezërit Orik dhe Leart Shyti ndodhen në Zvicër ku kanë fituar të drejtën e azilit politik.
Ata kanë mbështetur gjithnjë publikisht tezën se nuk kanë asnjë organizatë dhe akuzat ndaj tyre kanë qenë të pavërteta.
Ata janë akuzuar për të paktën tre akte të bujshme: vrasjen e Drejtorit të Përgjithshëm të Burgjeve, Bujar Kaloshi në vitin 1995, bombën te VEFA në vitin 1996 dhe vrasjen e truprojës së Prokurorit të Përgjithshëm Theodhori Sollaku, Genci Sina, në vitin 2002. /tesheshi.com/
