Policia e Durrësit sekuestroi 32,4 kg kanabis në kuadër të operacionit të koduar “The shop”, ndërsa shpalli në kërkim 41-vjeçarin L.C.
“Specialistët për hetimin e narkotikëve, në vijim të punës së tyre për parandalimin e rasteve të prodhimit të lëndëve narkotike, në bazë të informacioneve të marra në rrugë operative ditën e djeshme kanë finalizuar me sukses operacionin e koduar” The Shop”.
Në lagjen Nr.17/1, Durrës, gjatë kontrollit të ushtruar në një dyqan(në gjendje jo-funksionale) u gjetën dhe sekuestruan në cilësinë e provës materiale: rreth 32.4 kg lëndë narkotike e dyshuar e llojit Cannabis Sativa. Është shpallur në kërkim dhe po punohet për kapjen e pronarit të ambientit ku u gjet lënda narkotike, shtetasi L. C. 41 vjeç, banues në Durrës.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “prodhimi dhe shitja e narkotikëve” parashikuar në nenin 283/1 të Kodit Penal”, thuhet në një njoftim të policisë. /tesheshi.com/
