Presidenti Evropian Jean-Claude Juncker është shprehur se do të zvogëlojë shpenzimet e BE-së me 2.7 miliardë euro mbi kërkimin dhe inovacinin, duke e transferuar këtë shumë në një drejtim tjetër duke rritur shpenzimet për infrastrukturës së BE-se në 315 miliardë euro, si pjesë e propozimeve për të ndihmuar ekonomitë në agoni të eurozonës. Kjo ka bërë që të reagojnë 27 fituesit e çmimit Nobel, të cilët i kanë dërguar presidentit një letër ku shprehen mjaft të tronditur për këtë ndryshim.
“Duke prerë këtë financimin, Bashkimi Europian do të dërgojë një mesazh se Europa nuk është vendi për të bërë shkencë të nivelit të lartë dhe idetë që ne do duam të zhvillojmë, do të shkojnë në pjesë të tjera të botës”, thuhet në letër.
“Horizon 2020 dhe Këshilli Europian i Kërkimeve janë një investim i domosdoshëm afatgjatë për të ardhmen e Europës. Ato janë mjetet kryesore për gjenerimin e njohurive që drejton mirëqenien tonë ekonomike dhe përmirësimin e shëndetin tonë dhe cilësinë e jetëve tona.
“E ardhmja ekonomike e qëndrueshme afatgjatë e Europës, mund të ndërtohet vetëm në kërkimet e vazhdueshme dhe risitë – një pikë e njohur mirë nga industritë europiane. Nëse ne nuk do të bëhemi më të zgjuar, ne do të bëhemi më të varfër “.
Me paratë shkurtuara nga buxheti për Kërkimin Shkencor Europian, janë planifikuar të ndërtohen stacione të reja energjie si dhe do të investohet në rrugë dhe skema të tjera të mëdha në të gjithë Europën. Ndëkohë që pretendohet se ky plan ka mbështetje unanime nga zyrtarët e të 28 vendeve anëtare.
Ja lista e nobestistëve që firmosën letrën dërguar Juncher:
Paul Nurse, Christiane Nüsslein-Volhard, Christopher Pissarides, Kostya Novoselov, Jules Hoffmann, François Englert, Venkatraman Ramakrishnan, John Sulston, Kurt Ëüthrich, Tim Hunt, Claude Cohen-Tannoudji, John E Ëalker, James A Mirrlees, Paul Crutzen, Richard R Ernst, Robert Huber, Jean-Marie Lehn, Serge Haroche, Andre Geim, Gerhard Ertl, Jean Tirole, Ada Yonath, John O’Keefe, May-Britt Moser, Edvard Ingjald Moser, Klaus von Klitzing, John Gurdon, Aaron Ciechanover, Michael Atiyah, Timothy Goëers, Alain Connes, Simon Donaldson, Jean-Christophe Yoçoz, Cédric Villani, Maxim Kontsevich, Martin Hairer, Artur Avila, László Lovász, Endre Szemerédi, Ëendelin Ëerner, Alain Aspect.
