Kryeministri Haradinaj njoftoi shkarkimin e një ministri serb nga kabineti i tij, atë të Bujqësisë Nenad Rikalo.
“Sot kam marrë vendim dhe kam liruar nga detyra Ministrin e Bujqësisë, Pylltarisë dhe Zhvillimit Rural, Nenad Rikalo.
Z. Rikalo i shprehi falënderim për bashkëpunim gjatë kohës sa ishte aktiv si ministër në Qeverinë e Kosovës.
Në proceset politike para vetes, do të respektoj angazhimin e secilit. Ministri Rikalo ishte ministër i respektuar në Qeverinë e Republikës së Kosovës.
Bashkëpunimi me përfaqësuesit e të gjitha komuniteteve dhe përfaqësuesit e komunitetit serb, do të vazhdon palëkundur”.
Nuk dihet se pse ka ndodhur tani ky shkarkim, në një moment të tensionuar në raportet mes Prishtinës dhe Beogradit, për shkak të taksës së rëndë doganore.
Rikalo ka qenë ndër ato emra të përfolur si i përfshirë në krime gjatë luftës, si paramilitar serb.
Kohë më parë, një shtetas i Prishtinës dëshmoi në media një përvojë që kishte në qendër rolin e Rikalos gjatë luftës. /tesheshi.com/
