Ish-presidenti i Izraelit, e po ashtu ish-kryeministri i këtij vendi, e ka lënë këtë jetë në moshën 93-vjeçare.
Shimon Peres u sëmur rëndë dy javë të shkuara, për të vdekur në orët e para të së mërkurës në një spital pranë Tel-Avivit.
Kryeministri izraelit, Benjamin Netanyahu, shprehu keqardhjen e thellë për vdekjen e Peres-it, duke njoftuar mbledhjen e kabinetit ditën e sotme.
Presidenti amerikan, Barack Obama, reagoi po ashtu përmes një deklarate, duke e quajtur atë “mik të dashur”.
Shimon Peres shërbeu një herë si president i Izraelit, e dy herë si kryeministër, duke qenë pjesëmarrës në 12 qeveri.
I zgjedhur në parlamentin izraelit për herë të parë në vitin 1959, ai ka qenë prej atyre parlamentarëve që miratuan ndërtimin e ngulimeve hebreje në territoret e pushtuara palestineze.
Ai fitoi çmimin Nobel për paqe në vitin 1994, për rolin e tij në Marrëveshjen e Oslos. Një çmim i ndarë me kryeministrin Yitzhak Rabin, e me udhëheqësin palestinez Yasser Arafat. /tesheshi.com/
