Vetingu në Drejtësinë shqiptare do të nxjerrë cilët janë “mollët e kalbura të shportës”. Kështu beson Genoveva Ruiz Calavera, kryetare e Operacionit Ndërkombëtar të Monitorimit të Vettingut, e cila në një intervistë për “Deutche Welle”-n, thotë se BE po harxhon shumë para dhe për këtë arsye nuk janë afatet kohore të parat sesa cilësia.
“ Për ne nuk është e rëndësishme që procesi i vettingut të përfundojë që Shqipëria të kalojë në fazën tjetër në procesin e anëtarësimit në BE. Për ne është e rëndësishme që procesi i vettingut të kryhet si duhet”, thotë ajo.
Nga vettingu, shumëkush në Shqipëri pret arrestime.
“Vettingu nuk i fut në burg gjyqtarët e korruptuar, por pasoja e vettingut do të jetë që ndaj tyre të fillojnë hetime dhe ngrihen akuza. Roli im është që vettingu, skaneri të bëhet në mënyrë të ndershme dhe të pavarur nga ndërhyrjet politike”, thotë Calavera.
Shefja e monitorimit të vettingut paralajmeroi edhe nje tjeter proces për politikanët e korruptuar dhe të përfshirë në veprimtari të errëta.
“Kur të kemi një gjyqësor të ri, ku gjyqtarët do të të kenë standarde më të larta profesionale, pa marrëveshje të fshehta me krimin e organizuar apo ndikime nga politikanët atëhere ata do të jenë mjaft të lirë dhe të pavarur për të ndërmarrë hetime ndaj kësisoj politikanësh. Kjo është fryma e vettingut: të krijojë një hapësirë për një sistem gjyqësor profesional, të përgjegjshëm ndaj qytetarëve, të pavarur dhe efikas”, u shpreh shefja e monitorimit të vettingut. /tesheshi.com/
