Historia e skllavërisë në Shtetet e Bashkuara është e mjaftueshme për të paguar kompensime për afro-amerikanët, argumenton në një raport të fundit grupi i asociuar pranë Kombeve të Bashkuara me seli në Gjenevë.
Konkluzioni është pjesë e një studimi nga grupi i punës së Kombeve të Bashkuara për popujt me prejardhje afrikane, një trupë që raporton pranë Komisionerit të Lartë për të drejtat e njeriut të OKB-së.
Grupi i ekspertëve, që përfshin avokatë të profilit të lartë në fushën e të drejtave të njeriut nga e gjithë bota, i paraqiti përfundimet e veta pranë këshillit për të Drejtat e Njeriut të OKB-së, duke vënë në dukje lidhjen që vazhdon midis padrejtësive të tanishme dhe kapitujve të errët në historinë amerikane.
“Në mënyrë të veçantë, trashëgimia e historisë kolonialiste, skllavërimi, klasifikimi racor dhe ndarja sipas racave, terrorizmi racor dhe pabarazia racore në Shtetet e Bashkuara mbeten sfida serioze, pasi nuk ka pasur asnjë angazhim real për kompensimin dhe ndaj së vërtetës e pajtimit me popujt me prejardhjen afrikane,” thuhet në raport. “Vrasjet aktuale nga policia dhe trauma që ato krijojnë janë reminishenca të terrorit të kaluar racor të linçimit.”
Duke cituar rastet e shumta të vitit të kaluar, ku oficerë të policisë qëlluan për vdekje mbi persona afro-amerikanë të paarmatosur, paneli paralajmëron kundër “pandëshkueshmërisë së dhunës shtetërore”, e cila ka krijuar, me fjalët e raportit, “një krizë të të drejtave të njeriut” që “duhet të adresohet si një çështje urgjente”.
Paneli dha rekomandimet e veta, që nuk janë të detyrueshme dhe nuk kanë gjasa të ndikojmë mbi Uashingtonin, pas një misioni faktmbledhës në Shtetet e Bashkuara, në janar të këtij viti. Në atë kohë, raporti vlerëson përpjekjet e ndërmarra për ta bërë drejtësinë penale në Amerikë më të barabartë, por vëren ndikimet e trashëgimisë gërryese të së shkuarës.
“Pavarësisht ndryshimeve domethënëse që nga fundi i rastit të Jim Crow-t dhe betejës për të drejta civile, ideologjia që siguron dominimin e një grupi ndaj një tjetri vijon të ndikojë negativisht të drejtat civile, politike, ekonomike, sociale dhe kulturore të afro-amerikanëve edhe sot,” thuhet në deklaratën e grupit. “Ideologjia e rrezikshme e supremacisë së të bardhëve rrezikon kohezionin social mes popullsisë në Shtetet e Bashkuara.”
Në raport trajtohen gjerësisht vrasjet e justifikuara nga ligji, që ishin produkt i një epoke të supremacisë së bardhë:
“Linçimi ishte një formë e terrorizmit racor, që ka kontribuar në trashëgiminë e pabarazisë racore, që Shtetet e Bashkuara duhet ta zgjidhin. Me mijëra njerëz me prejardhje afrikane vriten në akte të dhunshme publike të kontrollit racor dhe dominimit, ndërsa përgjegjësit nuk vihen para drejtësisë.”
Dëmshpërblimet duhet të vijnë në një llojshmëri formash, sipas panelit, përfshirë “një kërkesë formale ndjese, nisma shëndetësore, mundësi arsimimi, rehabilitim psikologjik, transferim teknologjik dhe mbështetje financiare, si dhe anullim të borxhit”.
Sigurisht, nisma të tilla nuk duken gjëkundi, madje edhe pas kërkesës për dëmshpërblim që u ngrit sërish dy vjet më parë, kur doli në shesh punimi novator i gazetarit amerikan Ta-Nehisi Coates.
Në mënyrë të ndarë, një koalicion kombesh të Karaibeve po kërkojnë dëmshpërblime nga ish-fuqitë e tyre koloniale europiane për ndikimin e skllavërisë, genocidit kolonial dhe ligjeve toksike racore, që formësuan jetën për të paktën dy shekujt e fundit në këto vende. Përpjekjet e tyre nuk kanë qenë deri më tani të frytshme.
I pyetur nga reporterët për një koment në lidhje me tonet e fushatës presidenciale amerikane, kreu i grupit të punës, Ricardo A. Sunga, nga Filipinet, shprehu shqetësim për “gjuhën e urrejtjes, ksenofobinë dhe afrofobinë”, që ai ndjen se mbizotëron në fushatë, edhe pse nuk përmendi specifikisht kandidatin republikan, Donald Trump.
“Jemi mjaft të shqetësuar se këto tashmë janë në ngjitje,” tha Sunga.
Përgatiti: Juli Prifti – /tesheshi.com/
