Zëdhënësi i Departamentit Amerikan të Shtetit, John Kirby ka kundërshtuar kritikat që po i bëhen Turqisë në lidhje me mbështetjen e operacioneve kundër ISIS.
“Ata kanë lejuar që ne të përdorim bazat në territorin e tyre. Ata së shpejti do të vënë në përdorim aeroplanët e tyre për të zbatuar detyrat ajrore të koalicionit dhe unë nuk e kuptoj çfarë ka këtu për të nxjerrë yçkla”, tha Kirby duke iu përgjigjur pyetjes së një gazetari, i cili shtroi pyetjen kritike se Ankaraja nuk po angazhohet.
Komentet e zëdhënësit erdhën gjatë një konferencë për shtyp, kur një gazetar e pyeti nëse Departamenti i Shtetit është i kënaqur me përpjekjet e Turqisë, ndërkohë që Sekretari i Mbrojtjes Ash Carter tha javën e kaluar se Turqia duhet të bëjë më shumë kundër ISIS.
Kirby bëri të qartë se nuk ka një qasje të ndryshme në mes Departamentet e Shtetit dhe atij të Mbrojtjes, duke vënë në dukje se nuk ka asnjë gjë “interesante” për të vënë në dyshim përpjekjet e Turqisë.
“Kemi të bëjmë me një komb i cili deri në këto momente ka arritur të presë dy milion refugjatë dhe po kujdeset më së miri për ta. Po ashtu ka një përpjekje të grupit terrorist PKK që të prishë sigurinë e brendshme të Turqisë, siç e pamë gjatë fundjavës,” shtoi ai, duke iu referuar për vrasjen e vazhdueshme të forcave të sigurisë të Turqisë në sulmet e PKK-së.
Kirby gjithashtu vuri në dukje se të gjithë anëtarët e koalicionit mund të bëjnë më mirë, duke përfshirë edhe Shtetet e Bashkuara, por, shtoi ai, si “një koalicion i gatshëm” të gjithë secili kontribuon me sa mundet, ku është e mundur dhe harxhon sa para duhet. Dhe nuk duhet harruar se është derdhur gjak i madh.
Dhe ndoshta më shumë gjak se duhet. Kemi të bëjmë me vendime sovrane të anëtarëve të koalicionit që bëhen në përputhje me vullnetin e popullit të tyre. Dhe turqit po e bëjnë këtë”, tha zëdhënësi i Departamentit të Shtetit.
Më 24 korrik Turqia ka deklaruar se do të hapë bazën ajrore Inçirlik në provincën jugore Adana për avionët për nevojat e koalicionit, dhe duke filluar nga fillim të gushtit koalicioni ka nisur ta përdorë bazën ajrore në operacionet që synojnë caqet e ISIS-it në Irak dhe Siri.
Turqia dhe Shtetet e Bashkuara janë gjithashtu gati për të përfunduar një marrëveshje për detajet teknike për përfshirjen e Turqisë në fushatën ajrore kundër ISIS. Gjithashtu, Avionët turq kanë kryer disa sulme ajrore mbi objektivat brenda Sirisë ISIS gjatë ditëve të fundit, ndërsa policia turke ka kryer bastisje tek shtëpitë e të dyshuarve për lidhje me grupin terrorist.
/tesheshi.com/
