Muslimanët në Shtetet e Bashkuara dënuan sulmin tragjik në një sinagogë në Pitsburg, ku mbetën të vrarë 11 besimtarë hebrenj, të qëlluar nga një person me prirje ekstremiste të djathta, e që u cilësua dhe si “me të meta mendore”
Këshilli i Organizatave Muslimane në SHBA (USCMO) dhe Këshilli i Marrëdhënieve SHBA-Islamike (CAIR), reaguan duke dënuar sulmin e shprehur ngushëllime.
“Shprehim dhimbjen më të thellë për viktimat e familjarët e tyre. Duam të theksojmë se ndjenjat tona janë aq të vrara sa dhe ato të pjesëtarëve të komunitetit hebre, e se lutjet shkojnë për ta”, u tha në një deklaratë.
“Një akt t i tillë terrorist po na prek të gjithëve. Dera jonë është gjithmonë e hapur për fqinjët që po përjetojnë këtë tragjedi dhe ne shprehim mbështetje të plotë për ta”, tha Safdar Khwaja nga CAIR.
Ai beson se në të njëjtën kohë, sulmi është dhe ndaj vlerave amerikane dhe parimeve njerëzore.
“Ne duhet të mblidhen së bashku për të rivendosur vlerat e civilizimit në shoqërinë tonë. Ne i bëjmë thirrje të gjithë zyrtarëve që të sjellin para drejtësisë të gjithë ata që janë përgjegjës për këtë akt terrorist”, shtoi Khwaja.
Në anën tjetër, shumë muslimanë në SHBA kanë nisur një fushatë humanitare “Muslimanët bashkohen për viktimat e sulmit në sinagogën në Pitsburg”, e cila synon mbledhjen e një sasie të ardhurash si ndihmë për familjet e të vrarëve dhe të plagosurve.
Në pak orë u mblodh një fond prej 25,000 dollarësh, duke u rritur vazhdimisht.
“Ne, muslimanët amerikanë, u ofrojmë ndihmë familjeve të të plagosurve ose të vrarë në sulmin. Ne duam të dërgojmë një mesazh se duhem t’i përgjigjemi të keqes me të mirë, siç na porosit besimi ynë”, u theksua në faqen në të cilën filloi fushata. /tesheshi.com/
