Dhoma e lartë e parlamentit në Poloni miratoi draftin për Gjykatën e Lartë, në sfidë të plotë me BE-në dhe me kundërshtarët brenda vendit që thonë se legjislacioni minon sistemin demokratik të “kontroll-ballancës”.
Dhjetëra mijë protestues u mblodhën në Varshavë dhe në qytete të tjera të Polonisë, një natë më parë, për protesta me qirinj për të kundërshtuar ligjin, ndërkohë që Senati debatoi deri në orët e vona të natës. Disa protestues mbanin flamuj polakë dhe të Bashkimit Europian duke kënduar në kor “Gjykata të lira”.
Pas miratimit në Senat, ligji kërkon edhe nënshkrimin nga presidenti që të hyjë në fuqi. Presidenti Andrzej Duda është një aleat i partisë qeverisëse “Ligj dhe Drejtësi”.
zëdhënësi i tij tha të shtunën se presidenti kishte parë mangësi në legjislacion dhe papërputhshmëri midis dy neneve që kanë të bëjnë me caktimin e kreut të gjykatës më të lartë në Poloni. Por, ai nuk komentoi nëse presidenti do ta nënshkruante apo do ta refuzonte ligjin, apo nëse do të kërkonte mendim në gjykatën Kushtetuese. Duda në në dispozicion 21 ditë për të nënshkruar ligjin./tesheshi.com/
