Jo vetëm ilaçet ju ndihmojnë të rikuperoni pas gripit. Para se të filloni terapinë, fillimisht flini gjumë mjaftueshëm, mbështilluni dhe qëndroni ngrohtë dhe të shikoni se çfarë po konsumoni.
Merrni preparate antivirale
Nëse filloni të shfaqni simptoma të gripit, mund të pyesni mjekun tuaj se çfarë ilaçesh antivirale janë të rekomanduara. Zakonisht kërkohen ilaçet si Tamiflu dhe Relenza. Të dyja funksionojnë duke bllokuar një enzimë që infektojë qelizat e reja. Këto ilaçe janë më efektive nëse i merrni brenda 48 orëve nga simptomat e para dhe mund të shkurtojnë kohëzgjatjen e gripit në vetëm 24 orë. Megjithëse rreziku i efekteve anësore do të thotë që ato jo gjithmonë do të përshkruhen.
Është veçanërisht e rëndësishme të kërkoni antiviral nëse vuani nga diabeti ose sëmundje të zemrës që rrisin rrezikun e komplikimeve.
Bëni shumë gjumë
Hulumtimet kanë treguar se gjumi i mjaftueshëm e mban sistemin imunitar të shëndetshëm dhe është thelbësor për të mirëmbajtur qelizat e bardha të gjakut. Gjumi i mirë mund të ju ndihmoj gjithashtu të parandaloni gripin në tërësi, veçanërisht nëse është fjala për një grip të përsëritur.
Kontrolloni ushqimet dhe pijet
Pavarësisht nëse është supë e nxehtë, ujë lëng frutash, shumë ekspertë besojnë se është e rëndësishme të pini minimum tetë gota ujë, lëngje dhe çaj në një ditë, sidomos gjatë periudhës së gripit.
Simptomat e zakonshme të gripit si djersitja dhe rrjedhja e hundëve zvogëlojnë sasinë e ujit në trup, kështu që marrja e mjaftueshme e lëngjeve parandalon dehidratimin.
Ushqimet e pasura me vitaminë C, të tilla si kivi dhe specat jeshil, si dhe ato të pasura me beta-karoten antioksidues si karotat, patatet e ëmbla dhe kungulli, mund të ndihmojnë në forcimin e sistemit imunitar.
Mbulohuni me batanije dhe qëndroni në shtëpi
Ambienti i ngrohtë ndihmon trupin të ruajë energjinë e tij për betejën imunitare. Ekspertët rekomandojnë të qëndroni në shtëpi dhe të pushoni për të paktën 24 orë. Kjo gjithashtu zvogëlon rrezikun e zhvillimit të komplikimeve më të rënda si pneumonia.
Merrni shtesa antioksidante
N-acetil L-cisteina (NAC) është një antioksidant i fuqishëm. Hulumtimet kanë treguar se mund të zvogëlojë si kohëzgjatjen ashtu edhe ashpërsinë e gripit duke rritur imunitetin, qetësur mukozën e frymëmarrjes dhe duke penguar aftësinë e virusit për t’u shumuar. /tesheshi.com/
