Ishulli grek i Kos-it është tronditur sërish nga një tërmet, por fatmirësisht nuk ka pasur viktima.
Siç bën të ditur BBC, tërmeti që goditi ishullin mbrëmë në orët e vona, ishte me magnitudë 4.4, i shkallës Rihter, ndërsa epiqendra e tij ka qeenë sërish mes bregdetit të Bodrumit që ndodhet në Turqi dhe ishullit Kos.
Ishulli Kos dhe bregdeti turk në rajonin e Bodrumit, një javë më parë u godit nga një tërmet prej 6.7 ballë, i cili shkaktoi dy viktima dhe më shumë se 100 persona të plagosur.
Prej tërmetit të disa ditëve më parë, banorët e ishullit, mes tyre edhe shqiptarë, kanë braktisur shtëpitë e tyre dhe kanë qëndruar për disa ditë me radhë në sheshet e qytetit, për shkak të rrezikut të një tjetër tërmeti të fuqishëm.
/tesheshi.com/
