Kampionati italian i futbollit është rikthyer sërish në aksion, madje më i nxehtë se kurrë. Në xhiron e parë nuk kanë munguar befasitë derisa Udinese i ka bërë një dhuratë jo fort të këndshme Juventusit në hapje të sezonit. Ndërsa ardhja më e re e Interit, Jovetiç është treguar e qëlluar deri sa ka realizuar gol në minutat shtesë të ndeshjes për t`i dhënë një hap të mbarë Interit këtë sezon.
Cyril Thereau është emri i futbollistit të Udineses që për momentin do jetë në kokën e juventinëve. Goli i francezit i ka dhënë fitoren 1-0 Udines përballë kampionëve në fuqi Juventusit që nuk e nisën mirë mbrojtjen e titullit.
Inter më në fund e nis me këmbë të mbarë kampionatin, anipse triumfin ndaj Atalantas duhet ta shijojnë në adrenalinë. Ardhja e fundit tek neroazurrët, Stefan Jovetic ka realizuar një super gol në çastet e fundit të ndeshjes për t`i vërtetuar milionat e shpenzuara për të. 1-0 ishte rezultati përfundimtar i takimit.
Fiorentina në anën tjetër fiton pastër derbin me Milanin 2-0 dhe njëherit i jep leksion rosonerëve se si duhet ndërtohet skuadra. Sassuolo surprizon Napolin 2-1 deri sa Sampdoria shkëlqen ndaj të promovuarës Carpi 5-2.
Një gjë është e sigurtë, kampionati italian i futbollit do jetë më i nxehtë se kurrë. /tesheshi.com/
