Mediat serbe ndërsa raportojnë për përgatitjet e Beogradit për konferencën e BE-së për Ballkanin Perëndimor më 27 gusht, njoftojnë se ndërtimi i autostradës Nish – Prishtinë – Durrës do të jetë një nga projektet më të rëndësishëm.
Zyrtarët serbë kanë thënë se realizimi i projektit të ndërtimit të autostradës do të mund të fillonte në vitin 2017.
B92 raporton se ky projekt, për Qeverinë, nënkupton përmirësimin e bashkëpunimit rajonal dhe vijëzon qartas kornizën për katër vjetët e ardhshëm.
Serbia ka përgatitur projektin e përgjithshëm dhe studimin paraprak të arsyes së këtij projekti dhe këtë variant të ndërtimit do ta paraqesë në Vjenë më 27 gusht.
Kryeministri i Serbisë Aleksandar Vuçiç më herët, kishte thënë se Serbia është e gatshme t’i japë 350 milionë euro për pjesën serbe të autostradës e cila do të kushtonte 600 – 650 milionë, e nga BE do të kërkojë edhe 300 milion euro. /tesheshi.com/
