Serbia liron tre policët e Kosovës, i mban nën akuzë

Gjykata serbe në Kraljevë ua hoqi paraburgimin tre policëve specialë të Kosovës, të cilët u ndaluan më 14 qershor, siç mbrohet nga Prishtina zyrtare, brenda territorit kosovar në kufirin e veriut.

Në deklaratën e Gjykatës së Lartë në Kraljevë thuhet se këshilli jogjykues ua ka ndërprerë paraburgimin policëve të Kosovës pas fillimit të procedurës dhe pas ngritjes së aktakuzës nga Prokurori i Lartë Publik në Kraljevë.

Ata akuzohen për veprën penale të prodhimit, mbajtjes, mbajtjes dhe trafikimit pa leje të armëve dhe lëndëve plasëse, e cila dënohet me burgim deri në 12 vjet.

Serbia pretendon se policët e Kosovës janë arrestuar me uniformë dhe me armë në territorin e Serbisë, ndërsa Prishtina ofron prova se kanë qenë në territorin e Kosovës, madje duke ngrënë bukë në çastin e rrëmbimit.

Gjithsesi, kjo ngjan të jetë si një lëvizje politike e Beogradit, si një koncension për Perëndimin, me qëllim presionin ndaj Kurtit që ky i fundit të veprojë ngjashëm më kriminelë serbë të arrestuar në veri.

“Konfirmojmë se tre policët e rrëmbyer janë liruar. Edhe pse jemi të gëzuar që ata kthehen në familjet e tyre, ky rrëmbim konsiston në një shkelje të rëndë të të drejtave të njeriut dhe duhet qortuar. Agresioni serb duhet të mbajë përgjegjësi”, shkroi Kurti.

Ata janë: Rifat Zeka, Beqir Sefi dhe Mustafë Shemi.

Edhe Tirana zyrtare kërkoi ashpërsisht lirimin e tyre, me paralajmërime për zerim të raporteve ndërshtetërore. Gjithsesi ata mbeten nën akuzë. /tesheshi.com/