Shefi i diplomacisë shqiptare, Ditmir Bushati, është vënë në shënjestrën e serbëve, të cilët kanë lëshuar sharje me breshëri ndaj shqiptarëve.
Kjo ka ndodhur në rrjetet sociale, ku ministri i Jashtëm ka shprehur ngushëllimet për vrasjen e kroatit Timoslav Salopek nga xhelatët e ISIS në Egjipt.
“I tmerruar nga vrasja e urryer e pengut kroat Salopek. Ne bashkohemi me pikëllimin e miqve tanë në Kroaci dhe konfimrojmë edhe konfiormojmë përkushtimin kundër terrorizmit”, shkruajti Bushati në llogarinë e tij në twitter.
Kjo ka mjaftuar që një numër serbësh ta përdorin si një mundësi për të goditur shqiptarët.
Zoran Nikoliç, një serb që jeton në SHBA, shkruan “Ju jeni kundër vetvetes? Serbët përditë terrorizohen në Kosovë dhe Metohi”.
Ndërkaq, Milosh Pavloviç shkruan se “heshtja ndaj këtyre sulmeve është një standard”.
Serbët kanë ndërmarrë kohët e fundit një ofensivë propagandistike duke akuzuar shqiptarët për sulm ndaj kulturës së tyre. Me një manovër të mirëllogaritur, shefi i diplomacisë së Beogradit, Ivica Daçiç, kundërshtoi pranimin e Kosovës në UNESCO, pasi sipas tij shqiptarët kanë shkatërruar trashëgimin kulturore të kishave serbë në vitin 2004.
Dhe sipas gjasave kjo pjesë e historisë do të duhet të futet edhe në axhendën e Gjykatës Speciale që pritet të nisë punën në muajin shtator.
Por ngjarjet e vitit 2004 që sollën rrëzimin e qeverisë “Haradinaj” në atë kohë do të duhet të ishin hetuar me kohë nga institucionet e drejtësisë në Kosovë, pasi më shumë se një herë kanë dalë fakte të përzieries së shërbimeve serbe me pjesë të UNMIK-ut në atë operacion që u financua nga oparatë e biznesit serb në Kosovë.
Kosova dhe Serbia, pas 10 ditësh, në 25 gusht në Bruksel, në raundin e 28-të të nivelit të lartë kryeministror përsëri do kenë në tavolinë bisedimesh katër çështje të diskutuara edhe në raunde të kaluara: Parimet themelore për Asociacionin e komunave me shumicë serbe, kodin telefonik, energjinë dhe urën mbi lumin Ibër në Mitrovicë.
Sipas deklaratave në qeverinë e Kosovës, për Asociacionin e komunave janë përafruar qëndrimet, jo të Statutit, por vetëm të parimeve themelore, për kodin telefonik marrëveshja është e përfunduar praktikisht, ndërsa çështjet e marrëveshjes për energjinë dhe lidhur me urën mbi Ibër nuk janë përfunduar dhe kanë mbetur që të diskutohen në vijim.
/tesheshi.com/
