Plani është i përgatitur për të kryer kundërpërgjigjen folklorike ballkanike. Ndaj masat e sigurisë janë marrë të rrepta për ndeshjen e 8 tetorit mes Shqipërisë dhe Serbisë.
Shumë serbë, të inatosur nga veprimi i “ballistit” Morina në Beograd vitin e shkuar, kanë përgatitur hakmarrjen në Elbasan.
Dhe nuk kanë zgjedhur veriun por jugun për të hyrë në Shqipëri, dhe për të qëndruar në Elbasan deri në ditën e takimit të shumëpritur për ta shpërthyer më pas në tabloidët e fantaksur për scoope nacionaliste.
Siç njofton policia shqiptare, një shtetas serb është ndaluar nga policia në Qafë-Thanë, pasi në automjetin me të cilin udhëtonte iu gjetën dy dronë. i shoqëruari udhëtonte bashkë me dy shtetas të tjerë serbë.
Kreu i Doganës së Qafë-Thana, Olsi Ikonomi bën me dije se, qytetari me shtetësi serbe dhe resident në Ohër vinte nga Maqedonia për në Shqipëri dhe ka deklaruar vetë se kishte dy dronë në makinë.
Ai ka bërë të ditur se dronët po i transportonte me porosi të një kompanie shqiptare me qendër në Tiranë. Zhdoganimi i mjeteve të vogla fluturuese do të bëhej në doganën e Tiranës. /tesheshi.com/
