Gjashtë vite pasi grup separatist bask deklaroi fundin e fushatës së armatosur, ka ardhur dhe momenti i dorëzimit të armëve.
Në “Ditën e çarmatimit”, ETA i ka dorëzuar policisë franceze një listë me 12 vende të fshehta për mbajtjen e armëve në jugperëndim të vendit. Inventari i armëve iu dorëzua autoriteteve në një ceremoni në Bayonne, një qytet në jug të Francës.
Grupi përgjegjës për vdekjen e mbi 800 personave gjatë fushatës së tij e ka marrë iniciativën në mënyrë të njëanshme dhe e pati paralajmëruar atë javë më parë.
ETA ka kërkuar së fundi ta negociojë dorëzimin e armëve dhe shpërbërjen, duke kërkuar në shkëmbim amnisti apo përmirësim të kushteve në burgje për rreth 350 anëtarë të saj në Spanjë e Francë.
Por të dy vendet nuk kanë pranuar të bëjnë lëshime.
Krijuar në 1959-n, synimi i ETA-s ishte krijimi i një shteti të pavarur bask mes jugperëndimit të Francës dhe veriut të Spanjës; një synim që mbeti i papërmbushur. /tesheshi.com/
