Rreth 4 tonë drogë u kap në një aksion të përbashkët të policisë italiane, asaj shqiptare dhe Guardi di Finanza.
Burime zyrtare nga Policia e Shtetit bënë të ditur se sasia e drogës u kap në orët e para të mëngjesit në ujërat territorial italiane.
“Në bazë të një aksioni të përbashkët mes Policisë së Shtetit, GdF dhe Policisë italiane janë sekuestruar 3 ton e 992 kilogramë Marijuanë.
Në orët e para të mengjesit nga ana e GdF Italiane u bë i mundur ndalimi dhe sekuestrimi i një Yacht-i me flamur të SH.B.A.(Delaware)
Si rezultat i ndjekjes nga skuadrat e GdF dhe me suport ajror u bë e mundur bllokimi i mjetit lundrues.
Në ekuipazhin e mjetit lundrues tre shtetas shqiptarë. F.M, E.V, dhe E.M.
Mjeti lundrues u kap në ujërat territoriale Italiane në zonën e Viestes.
“Hetimet paraprake tregojnë se ky mjet lundrues nuk ka shkelur ujëra shqiptare.
Rezervohemi për të tjera informacione për shkak të sekretit hetimor”, thuhet në njoftimin zyrtar të policisë.
Në vijim theksohet se për hetimin e çështjes policia shqiptare po bashkëpunon me atë italiane dhe malazeze. /tesheshi.com/
