Në një seancë për Kosovën të mbajtur në parlamentin e Serbisë, presidenti Vuçiç u etiketua dhe si “tradhëtar” nga një grupim, pasi bëri deklarata të guximshme kur tha se “debati për Kosovën duhet të fillojë me përgjigjen ndaj një pyetjet te rëndësishme: në çfarë besojmë, në një gënjeshtër apo në të vërtetën – sepse, pa këtë, ne nuk do të dimë se për çfarë jemi të aftë dhe çfarë mundemi, ku janë kufijtë e vendit tonë dhe ëndrrave tona, ashtu si edhe realiteti ynë… Është koha për të zgjedhur në mënyrë të hapur midis gënjeshtrave të ëmbla dhe të vërtetës së hidhur. Puna ime si president është t’u tregoj njerëzve të vërtetën, sado e pakëndshme qoftë ajo”, tha ai.
Gjithashtu, presidenti serb tha se e ardhmja e Serbisë dhe e Kosovës është e ngërthyer vetëm në dy skenarë.
“Janë dy skenarë të ndryshëm për Kosovën, ku njëri është normalizimi i marrëdhënieve me shqiptarët, ndërsa tjetri është konflikti i ngrirë, i ndërprerë kohë pas kohe me përleshje dhe i cili do të ishte katastrofal dhe assesi nuk do të ishte i përshtatshëm për ne”, ka theksuar Vuçiç. /tesheshi.com/
