Nga Blendi Gashi
Kuvendi i Kosovës edhe pas nëntë orë debati nuk arriti ditën e djeshme ta miratoi rezolutën për UÇK-në, pasi mungoi kuorumi, por një gjë të tillë arriti ta bëj sot ku me 61 vota për të deputetëve, asnjë kundër dhe 11 abstenime u miratua rezoluta.
Por çfarë ngjau në pjesën e dytë të debatit të djeshëm në Kuvendin e Kosovës që do të mbahet mend gjatë, dhe do të cilësohet padyshim edhe si seanca e turpit.
Kur debatit po i vihej fundi dhe të gjithë pritnin miratimin e rezolutës, ndodhi një gjë që shëmtoi insitucionin ligjvënës, pra për pak sa nuk krisi dajaku mes deputetëve të PDK-së dhe VV-së.
Fjala është për deputetin e PDK-së Nuredin Lushtaku dhe Glauk Konjufca. Nxehja e gjakrave filloi derisa Konjufca në foloren e Kuvendit po lexonte një letër që shkroi Sami Lushtaku më 2015 pasi u dënua nga EULEX-I, gjë që nuk i pëlqeu deputetit Lushtaku dhe shkoi të qeroi hesapet me Konjufcën, por fatmirësisht ndërhynë deputetët të dy partive në fjalë dhe u evitua më e keqja.
Kjo tentim rrahje mes deputetëve është një sinajl i qartë se institucioni ligjvënës është në pikën më kritike të tij dhe se deputetë të caktuar nuk janë fare të interesuar të debatojnë për çështje që vijnë në Kuvend, por thjesht interesimi i tyre është të fyejnë e akuzojnë rëndë njëri-tjetrin, për më keq në përplasjen e tyre të fusin edhe familjarët.
Rasti “Lushtaku-Konjufca”, tregon qartë se nëse debatet e tilla nuk ndalen dhe vazhdojnë të jenë prezente, në seancat e radhës nuk është çudi nëse edhe kërset me të vërtetë dajaku.
Andaj, duke parë situatën ekrijuar në Parlament, me të vërtetë nuk bëhet “kiameti”, nëse vendi shkon në zgjedhje të reja, gjë që e tha edhe kryekuvendari ditëve të fundit.
Seanca e djeshme sigurisht se i ka bërë të nihen keq edhe ish komandantët Sylejman Selimi e Sami Lushtaku, si dhe të tjerët, pasi aty u tha çdo gjë që nuk duhet thënë, nodhën skena që assesi nuk guxojnë të ndodhin, e jo se jo në një seancë ku temë debati janë vlerat e UÇK-së.
Seanca për grupin ‘Drenica”, në vend që të bashkonte të gjitha partitë ato sikur qëllimshëm u ndezën me akuza e kundër akuza ndaj njëra-tjetrës, i dhanë pamje të errëta dhe mësim të keq qytetarëve të vendit siomos atyre që duan të merren me politikë në të ardhmen.
Se askujt nuk është duke i interesuar për ushtarët e UÇK-së e tha edhe vet kryekuvendari Kadri Veseli, i cili pas përplasjes “Lushtaku-Konjufca”, tha se nuk merr përgjegjësi për atë që mund të ndodh.
“LDK-ja heshti, veç tre deputetë e ngritën zërin për vlerat e UÇK-së”
Por, jo të gjitha partitë dhe deputetët kanë qenë të acaruar në seancën e djeshme. Ka edhe të tilla subjekte që kurrë më të qeta nuk kanë qenë.
Është heshja e partisë në pushtet, LDK-së një element tjetër që duhet përmendur nga seanca e djeshme.
Ndërsa, pothuajse të gjithë deputetët e PDK-së, VV-së, AAK-së e NISMA-s morën fjalën dhe thanë diç për dënimin e luftëtarëve të Drenicës, edhe pse shumë herë dolën nga tema bën akuza ndaj njëri-tjetrit, nga radhët e LDK-së folën vetëm tre deputetët.
Foli kreu i grupit parlamentar Ismet Beqiri që gjithësesi si shef i partisë duhej të jepte një qëndrim, dhe folën dy ish komandantët e UÇK-së që janë pjesë e LDK-së, Anton Çuni dhe Nuredin Ibishi.
Asnjë deputet tjetër i LDK-së nuk e ka të udhës që të thotë dy-tri fjalë për dënimin e grupit “Drenica”.
Por, duhet theksuar gjithësesi se në seancë për asnjë moment prezent nuk ishte as kreu i LDK-së Isa Mustafa, njëherit kryeministër, për mungesën e të cilit e ngriti zërin deputeti i AAK-së Pal Lekaj.
Por, LDK çuditërisht heshti edhe pas akuzave të drejtpërdrejta që iu bën asaj në seancë tëdjeshme se kinse pasluftës kanë deponuar informata të pavërteta kundër UÇK-së te ndërkombëtarët.
Pikërisht Albin Kurti deputet i VV-së gjatë fjalimit të tij duke iu drejtuar PDK-së tha se kjo parti kur LDK-ja ka qenë në opozitë e kanë akuzu që ka çuar informata për UÇK-në te ndërkombëtarët, kurse tani për një gjë të tillë e akuzojnë VV-në ve veç pse është në opozitë.
As pas kësaj deklarate të Kurtit askush nga LDK nuk replikoi por zgjedhën heshtjen.
Andaj, shtrhet pyetja në fund, pse heshtën pothuasje të gjithë deputetët e LDK-së, përjashto tre të lartcekurit, pse të tjerët nuk e thanë asnjë fjalë të vetme për dënimin e rastit “Drenica” ?!
Ndoshta përgjigja mund të gjindet në vet mospraninë e kryeministrit Isa Mustafa në seancën e jashtëzakonshme të thirrur nga partneri qeverisës PDK për grupin “Drenica”. /tesheshi.com/
