Ministri i Jashtëm saudit, Adel al-Jubeir tha se një operacionet ushtarake nuk mund të përjashtohen si mënyrë për të larguar presidentin sirian, Bashar al Assad në mungesë të një zgjidhjeje politike për konfliktin e gjatë civil.
Lufta civile në Siri, tashmë në vitin e pestë, ka marrë jetët e më shumë se 250 mijë njerëzve, sipas shifrave të OKB-së dhe e ka shndërruar vendin në burimin e vetëm të milionë refugjatëve e të zhvendosurve.
Duke folur për gazetarët në selinë e OKB-së në Nju Jork, Al-Jubeir tha se iopcioni ushtarak mund të jetë shkatërrimtar, por përpos kësaj, është në dorën e Al Assad të vendosë nëse do t’i bindet ose jo axhendës politike të hartuar nga disa kombe në vitin 2012.
Sipas kësaj axhende, Al Assad duhet të japë dorëheqjen që t’i hapë rrugë një qeverie tranzicioni në Siri.
Ministri i Jashtëm saudit kritikoi Iranin dhe Rusinë për mbështetjen e vazhdueshme për Al Assad, gjë që sipas tij, vetëm sa zbeh shpresat për një zgjidhje politike. /tesheshi.com/
