Pak ditë më parë në Tiranë dy shtetas u konfliktuan mes tyre për një gërvishtje makine, ndërsa bilanci i sherrit ishte një i plagosur me armë të ftohtë(thikë).
Por ajo që ka ndodhur në Sarandë, mbrëmjen e së dielës, të lë pa fjalë. Protagonistë të konfliktit janë një i mitur 12 vjeç dhe një adoleshent 15 vjeç, i cili u godit me thikë dhe fatmirësisht është jashtë rrezikut për jetën.
Shkaku i konfliktit ishte se kush do të gjuante topin i pari në një lojë futbolli mes fëmijësh, që përfundoi me plagosjen e 15 vjeçarit nga i mituri, që mbante një thikë me vete.
Ngjarja ka ndodhur rreth orës 22:00, kur F.O., 15 vjeç u dërgua me urgjencë në spital, pasi kishte marrë plagë me thikë në bark.
Policia zbuloi se F.O, ishte konfliktuar për motive të dobëta me bashkëfshatarin e tij me inicialet O.H, vetëm 12 vjeç, ndërkohë që ky i fundit e kishte goditur me thikë.
Policia shoqëroi në komisariat autorin e dyshuar, por për shkak të moshës e la atë të lirë duke e ndjekur penalisht për veprën penale “Plagosje e lehtë me dashje”.
I plagosuri pasi morri ndihmën e parë në spitalin e Sarandës u transportua drejt Tiranës për ndihmë më të specializuar, pasi thika i kishte prekur cipën e mushkërisë dhe për rrjedhojë kishte marrë ajër. /tesheshi.com/
