Presidenti i Këshillit Europian, Donald Tusk tha se samiti i sotëm i liderëve të BE-së do të fokusohet më së shumti në politikat që duhen ndjekur për të ndihmuar njëri-tjetrin në krizën e refugjatëve dhe jo në listën e gjatë të problemeve që përdoren për të fajësuar njëri-tjetrin.
Ky mesazh i Tusk, vënë në dukje korrespondentët, përmban nnjë apel për progres praktik në krizën e refugjatëve, por edhe një vetëdijësim se atmosfera politike është shndërruar në goxha toksike.
Disa nga liderët që marrin pjesë në samit, do të mbërrijnë në Bruksel të zemëruar se qeveritë e tyre janë hedhur poshtë me votim për problemin e zhvendosjes së mijëra refugjatëve me anë të kuotave.
Vendimi u hodh në votë dje nga ministrant e Brendshëm, një nga të paktat raste kur vendimet merren me shumicë votash dhe jo me konsensus.
Samiti gjithashtu do të kërkojë më shumë fonde për agjencitë e ndihmës së OKB-së që merren me refugjatët në vendet kufitare me Sirinë si dhe një bashkëpunim më të ngushtë e më shumë ndihmë për Turqinë. Kjo e fundit strehon më shumë se 2 milionë refugjatë sirianë dhe është bërë porta hyrëse më e madhe drejt Europës. /tesheshi.com/
