Donald Trump i dha fund po aq papritur, butësisë diplomatike që shfaqi në turin e tij 12 ditor në Azi, duke ndërmarrë një tiradë akuzash nga vendeve të tjera, në një fjalim në samitin e vendeve që bëjnë pjesë në organizatën e Bashkëpunimit Ekonomik të Azi-Paqësorit. Akuzat për “dhunime, shkelje, mashtrime dhe agresion ekonomik” vijnë vetëm orë nga lajkatimet dhe lavdërimet që ai bëri për Kinën.
Nga foltorja e konferencës në Da Nang të Vietnamit, presidenti amerikan ndërmorri tonin e një kundërpërgjigjeje të ashpër. Fjalimi ishte qartësisht, e ndonjëherë edhe eksplicit, i fokusuar tek Kina dhe vende të tjera që ai fajësoi për politika ekonomike grabitëse, të cilat sipas tij, duhen fajësuar edhe për zhvatjen e vendeve të punës duke marrë nga Shtetet e Bashkuara fabrika e industri të tëra.
“Ne nuk mund të tolerojmë më këto abuzime kronike tregtare dhe nuk do t’i tolerojmë”, tha ai ndërsa zëri i ushtonte në sallën e konferencës. /tesheshi.com/
