Mohamed Salah ka nënshkruar një kontratë të re afatgjatë me Liverpool-in, duke eliminuar mundësinë e largimit nga klubi si lojtar i lirë në fund të sezonit.
Reds kanë rënë dakord të bashkëpunojnë me Salah deri në vitin 2025.
“Ndihem mirë dhe i emocionuar për të fituar trofe me klubin. Është një ditë e lumtur për të gjithë”, tha Salah, duke shtuar:
“U desh pak kohë për të rinovuar kontratën, por tani gjithçka ka përfunduar, kështu që duhet të fokusohemi në atë që do të ndodhë më pas. Unë mendoj se ju mund të shihni se në pesë ose gjashtë vitet e fundit skuadra ka shkuar gjithmonë në ngritje. Sezonin e kaluar ne ishim afër të fitonim katër, por fatkeqësisht në javën e fundit të sezonit humbëm dy trofe”, tha Salah.
Edhe pse ende nuk ka asnjë informacion zyrtar, mediat nga ishulli po raportojnë se Salah do të jetë lojtari më i paguar i Liverpool-it ndonjëherë, shkruan SC Sport. /tesheshi.com/
