Ish-ministri i Rendit, Saimir Tahiri, pothuajse ka kaluar në një sulm të pastër ndaj LSI-së, prej ku thuhet se i erdhi dhe largimi nga posti, pas një periudhe të trazuar mes tij dhe partisë aleate në qeverisje. I përfolur si njeriu që di shumë për Ilir Metën, Tahiri ka “zhveshur shpatën”, pas kritikave të marra nga LSI pas publikimit të raportit të DASH në lidhje me drogën, duke bërë një deklaratë nervoze e me shumë nëntekste, duke përmendur dhe burgun.
“Nuk kam pritur dhe nuk pres nderkohe qe kete lexim krejt te qarte te kendveshtrimit te DASH mbi tre vite beteje kunder kultivimit te kanabisit, ta bejne kundershtaret e betuar te Policise se rilindur te shtetit.
Qofshin keta te fundit ne çadren e pashprese te bulevardit, qofshin ne cadrat e turpshme te emisioneve te porositura dhe komentatoreve te paguar apo qofshin ne rolin e hienave te dala nga oborri i PS, qe enderrojne deshtimin e Partise Socialiste, pergjigjen e merituar e kane marre tre vjet e gjysem nga puna jone e perbashket dhe do ta marrin nga populli i Tiranes dhe gjithe Shqiperise ne 18 qershor.
Edhe njehere faleminderit te gjitheve per mbeshtetjen e pakursyer ndaj Policise se Shtetit dhe per shperfilljen e merituar ndaj atyre qe jane gati t’i rivene zjarrin Shqiperise, per te mos perfunduar prapa hekurave ku e kane vendin prej kohesh.
Drejtesia vonon po nuk harron!”, shkruan ndër të tjera Tahiri, ku bie në sy fjalia e fundit. /tesheshi.com/
