Drejtori Sportiv i Romës, Valter Sabatini, ka bërë një rezyme për sa u përket strategjive që po ndjekin klubet italiane në merkato, duke u ndalur gjatë te Zlatan Ibrahimoviç, i cili ndiqet nga verdhekuqtë dhe Milani:
“Ibrahimoviç është një lojtar që i vetëm mund të bëjë të fitosh kampionatin, por mund të shkatërrojë edhe ekipin. E them këtë pasi Zlatan është shumë i kushtueshëm dhe nga aspekti financiar mund ta rrënojë klubin.
Baka? Milani u tregua i zoti që arriti ta blinte, pasi i ofroi Seviljas dhe lojtarit më shumë para nga seç i ofronim ne. Xheko? Është një futbollist që personalisht më pëlqen shumë. Sigurisht që do të isha shumë i lumtur nëse na bashkohet gjatë merkatos. /tesheshi.com/
