Kanadaja dhe Gjermania kanë premtuar tashmë më shumë se 2 miliardë dollarë në një llogari të re të hapur nga Fondi Monetar Ndërkombëtar për të ndihmuar Ukrainën dhe vende të tjera kanë shprehur të njëtin interes, tha zëdhënësi i FMN-së Jerry Rice.
Ai nuk pranoi të vlerësonte shumën totale që mund të mblidhej, por tha se “FMN-ja do të donte që ajo të ishte sa më e lartë që të ishte e mundur, duke pasur parasysh nevojat e mëdha të Ukrainës”, raportoi Reuters.
Rajs tha se FMN-ja nuk ishte në gjendje të bënte një vlerësim të saktë ose gjithëpërfshirës të dëmeve nga lufta, por shtoi se Shkolla Ekonomike e Kievit vlerësoi në fund të majit se dëmi në infrastrukturën fizike tashmë kishte kaluar 105 miliardë dollarë.
Ai po ashtu tha se shuma do të ishte shumë më e lartë nëse do të merreshin parasysh humbjet ekonomike për shkak të uljes së prodhimit, mbylljes së kompanive dhe humbjes së të ardhurave dhe investimeve. /tesheshi.com/
