Izraeli është shfaqur i shqetësuar pas paralajmërimit rus për dërgimin në Siri të sistemeve raketore S-300. Vendimi është shqyrtuar pas sulmeve mbi këtë vend të treshes perëndimore SHBA-Britani-Francë.
Deri më sot, Izraeli ka qenë i lirë në hapësirën ajrore siriane, ku që nga viti 2011 ka kryer të paktën 150 sulme bombarduese mbi këtë vend, sipas ish-ambasadorit izraelit në Moskë, Zvi Magen.
Më e fundit ishte më 9 prill, kur dy avionë izraelitë goditën bazën ushtarake T-4 të regjimit të Assad-it në provincën Homs, duke vrarë ushtarë.
Por sistemi raketor S-300 mund t’ja bëjë të pamundur këtë gjë.
Sipas ish shefit të zbulimit ushtarak izraelit Amos Yadlin, vendosja e S-300 në Siri ka qenë një shqetësim për Izraelin në dy dekadat e fundit.
Elena Suponina, një ekspert i Lindjes së Mesme në Institutin rus për Studime Strategjike, i cili këshillon Kremlinin, i tha Bloomberg se shpërndarja e sistemeve ndaj regjimit të Assad-it “do të nxiste tensionet në rajon dhe do të shkaktonte fërkime të mëdha me Izraelin”. /tesheshi.com/
